BLOGGER TEMPLATES - TWITTER BACKGROUNDS »

مصــــــر

مصــــــر
فلترفعوا عيونكم إليّ ، لربّما .. إذا التقت عيونكم بالموت في عينيّ ، يبتسم الفناء داخلي .. لأنّكم رفعتم رأسكم .. مرّه ! -أمل دنقل


كانت النبوءة :(الناس نيام، فإذا ما انتبهوا ماتوا!)؛ و قد كٌسرت البلورة فوجبت

ما أجمل كلمات البشر الإقصائية .. و كيف تظهر إغراءها الفاتن بطائفيتها .. و كيف تشع عنفا تعصبيا .. و ما يجعلها اجمل؛ هو أن باطنها لم ينجلِ بعد على ظاهرها .. فهيهات أن تعرف قوة الإغراء بأن تكون ممثّل الرب على الأرض .. بأن تنطق بكلمات مهيبة تشعرك بألوهيتك !

___________________________________

آه ، إن قوة الأرض و الدم مخيفة حقا. إنها لتستطيع أن تجذبنا إليها في كل حين كلما أردنا ارتفاعا ! - "سلطان الظلام" توفيق الحكيم


Monday, July 29, 2013

عن عيسى .. الشهيد المصلوب على جدار الوطن






عيسى عصام؛ أول ما عرفته كان امبارح الصبح لما (حسناء) صحبتي في الشغل قالتلي عليه و إن عمره ميعديش 18 سنة ، و هي مكنتش تعرفه شخصيا بس كانت عارفة الشلة عموما و أصحابه و كان بيكون قاعد ماعهم بيرسم ، بيرسمهم. و إنه كان بيبيع لوحاته عشان يصرف على نفسه عشان أبوه كان طارده معظم الوقت. قالتلي إنه صغير،و إنه مات امبارح الفجر و هو بيدور على أبوه. أبوه كان معتصم في رابعة عشان هو إخوان ، بس هو مات برصاصة في ظهره اخترقت القلب ، و أبوه عمال يك>ب و يقول إنه إخوان ..!

خطف قلبي ، و اهتمامي .. ولد ، فنان و العبث يعبث بانتماءاته بينما دماءه لم تبرد بعد ! .. و نسيوا انه انسان.

كتبت عنه على تويتر لأني معتزلة الفيسبوك بسبب التشاحن المبالغ فيه. المهم إني كتبت انشر عنه. عن #عيسى الولد الي مات من غير ما يكون ليه دخل بالي بيحصل غير إن أبوه هناك. أبوه الي استغله !!! .. كان الآتي:

(عيسى) شهيد طريق النصر الي عمره لم يتجاوز 18 سنة .. و لا إخوان و لا معتصم و لا كان رايح هناك بغرض الإعتصام و لا الخناق - 1

عيسى كان فنان بيحب الفحم و الريشة و الورق.. كان بيجتهد و يبيع لوحاته بفلوس قليلة فيصرف على نفسه عشان أبوه كان طرده معظم الوقت من البيت - 2

عيسى أبوه كان إخواني كبير معتصم في رابعة و ابنه كان رايح يدور عليه و يطمن عليه في عز الأحداث .. تقوم تجيله رصاصة غدر من الظهر تدخل قلبه - 3

عيسى كان منتمي لمنظمة شباب حزب الجبهة الديمقراطية و عضو مؤسس في رابطة فناني الثورة و اسمه "الفنان المبتسم" و أبوه دلوقتي بيقول إنه إخوان - 4

(ورا كل شهيد ، حكاية إنسانية ملهاش حدود ..)

----
و النهاردة نوارة نجم كتبت في التحرير مقال عنه ، و أنا هنشره هنا .. عشان خاطره:

سأترككم مع شهادة، محمود على، أحد المقربين من الشهيد عيسى، وكان الشهيد عيسى يعتبره أباه الحقيقى، حيث إن الخلافات كانت قد نشبت بين الشهيد ووالده بسبب معارضة الشهيد للجماعة:

«أول مكالمة كانت بينى وبينه كانت الساعة 2 ص وقالى أنا رايح أشوف أبويا عشان مابيردش على التليفون وقلتله لا ماتروحش، قلتله ارجع يا عيسى، الدنيا بهدلة عندك وأبوك أكيد مش سامع تليفونه قالى ماتخفش ما هى دى أبهات آخر زمان مبهدلنّا وراهم، قالى وأنا هابقى أكلمك اطمنك علىّ قلتله خلى بالك من نفسك وأنا هابقى أتابعك قفل السكة ثم عاود الاتصال بى من رقم آخر، قلى يا «ديد» أنا مش عارف أوصل لأبويا ومش عارف أعدى لأبويا قلتله ارجع يا عيسى أرجوك قالى أنا هاعمل ده هاروح خلاص يا «ديد» قلتله يلّا لما توصل ابقى كلمنى.. بس هو راح فى دنيا تانية ماينفعش يكلمنى منها بس أنا لسه مستنى، قالى أنا مروح قلتله ابقى كلمنى لما توصل بس هو روح لدنيا تانية بس أنا لسه مستنى إنه يكلمنى. وبعدها تليفونه اتقفل، بعد كده جالى تليفون 6 الصبح وحد بيكلمنى بيقولى إنت ليك حد كان فى رابعة إمبارح فقلتله آه لى كذا حد قالى طب فى حد، اللى معانا دلوقتى خد طلقة فى ظهره بس هو فى حالة خطيرة ومعهوش أى إثبات لشخصيته قلتله مواصفاته إيه، وطبعا أول حد جه فى دماغى عيسى لكنه قالى هو شاب فوق العشرين حمدت ربنا وقلت مش هو، قلتله على العموم هاشوف الناس، كلمت عيسى على تليفونه ماكنش بيرد وأنا لى أصدقاء من اللى كانوا معايا فى التنظيم كانوا هناك قلت يبقى حد منهم، المهم كلمنى تانى بعديها بشوية وقلى إنه هو توفى ابتديت أقلق أكتر وأنا الحاجة الوحيدة اللى متأكد منها إنى لى صاحب مات، وعرفت بعدها إنى عيسى هو اللى المقصود.

لما رُحنا المشرحة أبوه كان واقف عمال يقول للناس إنى ابنى كان واقف معايا فى الصفوف الأولى، وهو أصلا كان بيطرد ابنه عشان ماكنش عاوز يدخل الإخوان وعشان الرسم حرام. أقسم بالله عيسى مش إخوان وأبوه اللى ادعى إنه كان معاه فى الصفوف الأولى وأخوه خده معاه مرتين رابعة بالعافية، وكان بيطرده من البيت.
ثم يضيف محمود:
عيسى ابنى وكنت ليه الأب اللى اختاروه لما أبوه كان يطرده كان بيجيلى كنت باعلمه يعنى إيه فلسفة ويعنى إيه سياسة. بس فى الحقيقة اكتشف إنى أنا اللى اتعلمت منه، اتعلمت منه إزاى تعيش إنسان وتموت إنسان بس أنا زعلان منه عشان مشى وسابنى. الحاجة الوحيدة اللى استغربتلها موقف أبوه اللى باع ابنه وتاجر بدمه عشان خاطر الجماعة ده ولاء ده ولا نطاعة؟
ثم يقول محمود محدثا عيسى:
عارف لما كنت بتقولى إنى أنا أب فاشل أنا فعلا أب فاشل عشان ماعرفتش أحافظ عليك.. إنت سبتلى شرخ ما تداويهوش الأيام.
إنت كنت ابتسامة الأمل، ماتت الابتسامة، والأمل من غيرك معدوم يا وجع قلبى عليك.
بس عارف والله أنا لسه عندى أمل لما انزل القهوة ألاقيك داخل علىّ وانت بتضحك وتقولى إنت أب فاشل على فكرة.
اللى عاوز يعزى فى عيسى إحنا هانعمل العزا بكرة فى شامبليون بعد العشا واحنا اللى هاناخذ عزاه عشان ماينفعش تعزى اللى قتله. حالة عيسى أشبه بكريستى والده مش راضى يورى التقرير لحد والأسوأ أنه كان بيكدب ويقول عيسى إخوان وكان فى الصف الأول.
لكن أكيد أكيد ولا جدال عيسى مات موتة رجال. آخر كلمات الشهيد عيسى: اجعلنى كلمة اجعلنى رسمة تخفف جراحكم..

---


نور بدر
29/7/2013
الإثنين
الساعة 3 عصرا
رمضان

Tuesday, July 16, 2013

جدران نفسية عازلة بنيت بالطوب ... معرض

قام المصور الفوتوغرافي الألماني كاي فيدن هوفار بتصوير بعض الجدران العازلة في عدة دول. واختار جدار برلين مكانا لعرض صوره للجمهور. ورسالته السياسية من هذا المعرض هي حث السياسيين على الإطاحة بهذه الجدران وهدمها.

--- إلى المعرض ---



حياةٌ خلف الجدران

للحظة سقوط جدر برلين في التاسع من نوفمبر/ تشرين الثاني من عام 1989 دلالات كثيرة. فهذه الواقعة تؤرخ لنهاية الحرب الباردة بين المعسكرين الشرقي والغربي. لكن حتى بعد سقوط جدار برلين لا تزال جدران أخرى عديدة في مختلف مناطق العالم قائمةً، وتمثل حاجزا يفصل بين الناس على أسس الجنسية ومستوى المعيشة والدين.
***


جدران بغداد

بنت القوات الأمريكية في العاصمة العراقية بغداد عام 2006 جداراً للفصل بين الشيعة والسنة. وهذا الجدار، البالغ ارتفاعه 3 أمتار، ليس الجدار الوحيد في بغداد إذ هناك جدار آخر حول المنطقة الخضراء حيث توجد مقرات الحكومة. والهدف من هذه الجدران هو ضمان الأمن، إلا أن العراقيين يرفضونها لأنها ترمز إلى في نظرهم إلى انهيار المجتمع العراقي وتفككه.

***


الجدار الحدودي بين كوريا الشمالية والجنوبية

صحيح أن علو الجدار الحدودي بين الكوريتين لا يتجاوز عدة سنتيمترات، إلا أنه يصعب تجاوزه لأنه يرسم الحدود بين الجارتين المتعاديتين. فكوريا الشمالية ذات النظام الشيوعي تعتبر من أفقر دول العالم، بينما كوريا الجنوبية تتوفر على اقتصاد صناعي متطور ونظام سياسي ديمقراطي. والجدار البالغ طوله 250 كم لا يفصل بين نظامين فقط، وإنما بين عائلات كورية أيضا.
***


الجدار الواقي الإسرائيلي

بدأت إسرائيل منذ عشر سنوات في بناء جدار يهدف إلى عزلها عن الضفة الغربية. ويصل طول الجدار 700 كيلومتر بينما ارتفاعه يصل إلى ثمانية أمتار. بالنسبة لإسرائيل فالجدار تم بناؤه للوقاية من الهجمات، أما بالنسبة للفلسطينيين فإنه يجعل حياتهم صعبة. لهذا السبب تدين الأسرة الدولية هذا الجدار وتراه عقبة أخرى في طريق تحقيق السلام بالشرق الأوسط.
***


جدار يفصل إفريقيا عن أوروبا

يصل علو سياج الأسلاك الشائكة الذي شيده الإتحاد الأوروبي في مدينتي سبتة ومليلية شمال المغرب إلى ستة أمتار. ويفصل الجدار هاتين المدينتين عن التراب المغربي وبذلك يفصل بين أناس من مستوى معيشي مختلف. لكن الجدار لم يمنع اللاجئين من المخاطرة بالوصول إلى أوروبا. ويلقى كثيرون حتفهم أثناء محاولة تجاوز تلك الحواجز.
***


جدار يفصل البروتستانت بالكاتوليك

يفصل جدار ارتفاعه سبعة أمتار عاصمة شمال ايرلندا بلفاست منذ بداية النزاع بين البروتستانت والكاثوليك. ورغم وضع حد للصراع السياسي في البلاد عام 1998 إلا أن التوتر بين الطائفتين لا يزال مستمرا.ً والجدار الفاصل هو خير معبّر عن ذلك. وبالنسبة للسياح، الذين ينتقلون من جانب إلى آخر، يمثل الجدار هو محط إثارة وجذب.
***


جدار تورتيا بين أمركيا والمكسيك

بنت الولايات المتحدة على مسافة تمتد لأكثر من ألف كيلومتر سياجا على طول حدودها مع المكسيك بين عامي 2006 و2010 لمنع الهجرة غير الشرعية والاتجار بالمخدرات انطلاقا من هذا البلد. هذا السياج الذي أطلق عليه اسم "تورتيا كورتن" اي "ستار تورتيا" مجهز بأضواء كاشفة وكاميرات مراقبة. ويموت سنويا حوالي 500 شخص أثناء محاولة اجتياز الجدار، لكن هذا لا يردع مئات الآلاف الآخرين الذين يحاولون عبوره.
***

قبرص – الجزيرة المقسّمة

هذا الجدار، الممتد عبر العاصمة نيقوسيا، يجعل من قبرص آخر دولة أوروبية مقسمة. وهو يفصل منذ عام 1974 بين الجزء اليوناني الجنوبي من الجزيرة والشمال التركي. ويمتد الجدار على مسافة 300 كيلومتر وتشرف عليه الأمم المتحدة. ورغم إمكانية التنقل بين شطري الجزيرة منذ عام 2003، كشرط لقبول لنيل عضوية الاتحاد الأوروبي، إلا أن حلا سياسيا على المدى المتوسط ما زال غير منظور.

---المصدر: http://bit.ly/12GmnbC



مخطط برافر الصهيوني

إلى اي شيء آخر تحتاج بعد أن وضحت تلك الصور كارثة مشروع صهيوني من الدرجة الأولى ؟ تستطيع أن ترى بوضوح محافظة بئر السبع - النقب على الخريطة .. و نحن "كل" مغمور في مشاكله الداخلية ، نُسرق قطعة قطعة .. كيف لنا أن نواجه و نحن فرق و نعاني بشدة من مرض عضال هو التعصب ؟




اعرف ، حلل على الأقل لتواجه كفرد هذه الإنتهاكات المستمرة في أراضي فلسطين المحتلة في الدرجة الأولى ... و لتعلم أن هناك أفراد يخوضون نضال عنيف من أجل أن يصل صوتهم من أجلك عن طريق الإضراب عن الطعام في السجون الإسرائيلية .. اعمل ضد الفاشية و الكذب و تضليل الجماهير ، انشر الوعي و المعلومات الصحيحة بمصادرها و اوضح للمتلقين أن كونهم متلقين ليس يكفي قوت كفاح دقيقة ، و يجب أن يستعدوا للمعركة فهي آتية لا مفر بعد سلسلة معارك صغيرة .. و اعلم أن الوصية كانت"لا تصالح" و أن "من قال لا في وجه من قالوا نعم" صار "روحا أبدية الألم" فنحن لسنا بصدد الترفيه.



أنشر .. كن فاعلا على الأقل في النشر.

Thursday, July 11, 2013

من غير خوف

يوم الإثنين 8/7/2013 و انا في الشغل ، جالي تيليفون من رقم غريب ، و كان يوميها الفجر أحداث الحرس الجمهوري الي كانت مغيمة على مصر كلها .. المهم ، على الساعة 11 و ثلث تقريبا التيليفون رن و رديت:

- ألو ؟
- الو .. نور معايا ؟
- أيوة
- معاكِ دينا من الديوان .. كنت بعتيلنا السيرة الذاتية بتاعتك من شهر كدة ؟
- اه فعلا ، !
- إحنا كنا عايزين (سوشيال ميديا) يشتغل معانا .. انت لسة متاحة ؟
- اه طبعا
- طب تحبي تعملي مقابلة امتى ؟
- أنا يعني .. للأسف بسبب ظروف البلد ، فأنا مش عارفة ممكن آجي امتى .. انتو فين ؟
- في المعادي الجديدة
- يعني الشغل كله هناك ؟
- اه .. عشان كدة انا حابة اعرف ممكن تقدري تيجي امتى ؟
- طيب انا للاسف مش عارفة بالزبط دلوقتي ،
- طيب .. على العموم انت معاك رقمي ، و هنتظر منك مكالمة
- خلاص تمام جدا .. انا معايا رقمك ، و هكلمك تاني اكيد
- خلاص اوك .. مع السلامة
- مع السلامة .. سلام

و انتهت المكالمة و كنت ساعتها قاعدة في المكتب ، و حسنا كانت قاعدة معايا .. و مكنتش واخدة راحتي في الكلام و كنت متضايقة بسبب الأحداث الي في البلد ، فكمان مكنتش في الموود .. طبعا كان وقع الموضوع عليا كان مخيف شوية ، بس مش زي ما كنت متوقعة ! .. بس قعدت افكر كتير برده ، و اختلطت الفرحة بالمفاجأة بالتأمل بالتساؤل .. يا ترى ايه الي هيحصل .. بس كون إن الموضوع جه في الوقت ده ، قطمه برده .. و ممكن يكون شال عبء كان ممكن يكون مزعج ليا.

المهم روحت و قلت لزهراء ، و ماما تاني يوم بالليل ، و نهى ليلة أول يوم رمضان .. بس لقيت الموضوع فعلا خفيف على قلبي .. و محتجش اني افكر كتير أو أقلق .. و مخفتش ، و مضطربتش .. احساسي كان منور كدة و حسيت ان ممكن جدا تكون تجربة جميلة تفتح أبواب جديدة .. و دي في حد ذاتها حاجة حلوة ، و غريبة في نفس ذات الوقت .. عشان كدة، حبيت أسجل التجربة الشعورية دي.


نور بدر
11/7/2013
الخميس - ثاني يوم رمضان
الساعة 10 مساء

Thursday, July 4, 2013

كان نفسي ماكتبش دلوقتي

لو في درس واحد نتعلمه من سنتين ونص، هايكون إننا لا نبالغ، لا نبالغ في الفرحة، لا نبالغ في الحزن، والأهم.. لا نبالغ في الأمل أو في الخوف. - عمرو سلامة

 هكذا بدأ الأمر معي .. فرحة قصيرة جدا ، و بدأ القلق على مجريات الأمور + شعور بالبعد عن رفاق الثورة + المسافة بيني و بين الأصدقاء .. و فكرت أننا نبكي لأن كل تحرك و انتصار أو جولة في صالحنا إلا و تكون التضحية أن الأمور لا تصبح أبدا كما كانت عليه .. هناك دائما ثمن ، جزء يضيع من إنسانيتنا .. لماذا لا نفرح و كفى ، لا نفرح بقلب صادق و بهجة كاملة. "من قال لا في وجه من قالوا نعم ، و صار روحا أبدية الألم - أمل دنقل

 سأحاول أن أنفض الخوف قليلا ، و أن أنتقل إلى السرير علي أريح هذا الجسد المنهك ، و القلب الثائر ، و العقل الذي لا ينضب.

 3 - 4 يوليو 2013
ليلة بيان قائد القوات المسلحة:
فريق أول عبد الفتاح السيسي
خلع محمد مرسي من على كرسي الرئاسة
عاش شعب مصر